ვესტეროსის სამყარო ბრუნდება - ჩრდილოეთ ირლანდიაში სერიალ "სამეფო კარის თამაშების" პრიქველის გადაღებები დაიწყო. ამის შესახებ ინფორმაციას CNN-ი ავრცელებს.

სერიალის სახელწოდების სამუშაო ვერსია "გრძელი ღამეა" და მას ოლსტერის პროვინციაში გასაიდუმლოებულ ადგილზე იღებენ.

„სამეფო კარის თამაშების“ ბოლო სეზონის ფინალური სერია 19,3 მილიონზე მეტჯერ ნახეს, რაც HBO-ს ისტორიაში რეკორდული მაჩვენებელია.

არსებული ინფორმაციით, ახალი სერიალის პრეზენტაცია 2020 წელს იგეგმება.

აშშ-ში „სამეფო კარის თამაშების“ ფინალური სეზონის პირველ სერიას დაახლოებით 17,4-მა მილიონმა ადამიანმა უყურა.

19 მაისს ცნობილი გახდა, რომ დაახლოებით მილიონმა ადამიანმა მოაწერა ხელი პეტიციას, რომელიც HBO-სგან „სამეფო კარის თამაშების“ მერვე სეზონის თავიდან გადაღებას მოითხოვს.